north korea news



မြောက်ကိုရီးယားခေါင်းဆောင် ကင်ဂျုံအီလ် အသက် ၆၉ နှစ်တွင် နှလုံးရောဂါဖြင့် သေဆုံး အငယ်ဆုံးသား ကင်ဂျုံအွန်ကို ဆက်ခံသူအဖြစ် အာဏာရပါတီ ရွေးချယ်

Wednesday, 21 December 2011 10:30

ကင်ဂျုံအီလ် ရုပ်အလောင်းကို ဂါရ၀ပြုနေမှုကို မြောက်ကိုရီးယားရုပ်သံက ထုတ်လွှင့်ပြသစဉ် မြောက်ကိုရီးယားခေါင်းဆောင် ကင်ဂျုံအီလ်သည် ပြည်သူများအတွက် ဘ၀ကိုမြှုပ်နှံကာ အလုပ်အလွန်အကျွံ လုပ်ဆောင်နေစဉ် နှလုံးဖောက်ပြန်ပြီး ဒီဇင်ဘာလ ၁၇ ရက်နေ့ ည ၈ နာရီခွဲတွင် သေဆုံးခဲ့ကြောင်း မြောက်ကိုရီးယားနိုင်ငံပိုင် သတင်းဌာနက ဒီဇင်ဘာလ ၁၉ ရက်တွင် ကြေညာခဲ့သည်။  ''လမ်းညွှန်မှာကြားခရီးစဉ်'' ထွက်နေစဉ် ကင်သည် ရုပ်ပိုင်း၊ စိတ်ပိုင်း အကြီးအကျယ်ပင်ပန်းကာ ရထားပေါ်၌ သေဆုံးခဲ့ခြင်းဖြစ်ကြောင်း နိုင်ငံပိုင် (KNCA) သတင်းဌာနက ထုတ်ပြန်ခဲ့သည်။ အသက် ၆၉ နှစ်ရှိ ကင်ဂျုံအီလ် သေဆုံးခဲ့ပြီးနောက် ၎င်း၏ အငယ်ဆုံးသား ကင်ဂျုံအွန်ကို ကင် ဂျုံအီလ် အရိုက်အရာဆက်ခံသူအဖြစ် ရွေးချယ်ကြောင်း အာဏာရ အလုပ်သမားပါတီက ကြေညာခဲ့သည်။ ကင်ဂျုံအွန်ကို ၂၀၁၀ ပြည့်နှစ် အောက်တိုဘာလ ၁၀ ရက်နေ့က တွေ့ရစဉ် ကင်ဂျုံအီလ်သည် နှလုံးနှင့်ပတ်သက်သောရောဂါကို ကာလရှည်ကြာ ခံစားနေရပြီး ဒီဇင်ဘာလ ၁၇ ရက်တွင် ရထားပေါ်၌ နှလုံးဖောက်ကာ သေဆုံးခဲ့ခြင်းဖြစ်သည်။ အသက်ကယ်နိုင်ရေးအတွက် အတတ်နိုင်ဆုံး ကြိုးပမ်း ခဲ့သော်လည်း မစွမ်းဆောင်နိုင်ခဲ့ကြောင်း (KNCA) က ဖော်ပြခဲ့သည်။ ကင်ဂျုံအီလ်ရုပ်အလောင်းကို ၎င်း၏ ဖခင်ကင်အီဆွန်းကို မြှုပ်နှံထားသော ပြုံယမ်းမြို့ရှိ Kumsusan အောက်မေ့ဖွယ်နန်းတော်၌ သီတင်းပတ် တစ်ပတ် ကြာ ထားရှိမည်ဖြစ်သည်။ ကင်အီဆွန်း သည်လည်း အသက် ၈၂ နှစ်အရွယ်တွင် နှလုံးရောဂါဖောက်ကာ သေဆုံးခဲ့သည်။  ကင်ဂျုံအီလ်နေရာဆက်ခံမည့် ကင်ဂျုံအွန်သည် ကြယ်လေးပွင့်အဆင့် ဗိုလ်ချုပ်ကြီး အဖြစ် ရာထူးစတင် ရယူခဲ့သည်။  လတ်တလောတွင် မြောက်ကိုရီးယားပြည်သူများသည် နိုင်ငံ့အလံအောက်တွင် စည်းလုံးကြမည်ဖြစ်ကြောင်း၊ သို့သော် နက်ရှိုင်းနေသော စီးပွားရေးပြဿနာနှင့် အခြားပြဿနာများကြောင့် သြဇာလွှမ်းမိုးမှုကြီးမားသော ကင်ဂျုံအီလ်ကဲ့သို့ ခေါင်းဆောင်တစ်ဦးမရှိပါက ညီညွတ်မှုနှင့် ထိန်းချုပ်လွှမ်းမိုးမှုပြုလုပ်ရန်မှာ ပိုမိုခက်ခဲလိမ့်မည်ဖြစ်ကြောင်း အမေရိကန်-တရုတ်အင်စတီကျု့မှ မိုက်ချီနွိုင်က သုံးသပ်ခဲ့သည်။ ရေရှည်နှင့်ပတ်သက်ပြီး အလေးအနက် မေးခွန်းထုတ်စရာ ကျန်နေကြောင်း ၎င်းးက ပြောကြားခဲ့သည်။ မိမိတို့သည် ကိုရီးယားဆိုရှယ်လစ်စနစ် ပိုမိုခိုင်မာစေရန်နှင့် တော်လှန်ရေးအောင်မြင်စေရန်အတွက် စစ်ရေးစွမ်းရည်ကို နည်းလမ်းကုန်တိုးမြှင့်သွားမည်ဖြစ်ကြောင်း National Funeral Committee က ထုတ်ပြန်ခဲ့သည်။ ကင်ဂျုံအီလ် ကျန်းမာရေးဆိုးရွားမှုနှင့်ပတ်သက်၍ ပြီးခဲ့သောနှစ်များအတွင်း သတင်းများစွာထွက်ခဲ့သည်။ ယခုနှစ်ဆောင်းဦးရာသီတွင် ကင်ဂျုံအီလ်သည် တစ်နိုင်ငံလုံးသို့ ခရီးထွက်ခဲ့ကြောင်း မြောက်ကိုရီးယားသတင်းဌာနများက ဖော်ပြခဲ့သည်။ ကင်ဂျုံအီလ်ဘ၀ အချက်အလက်အချို့ မြောက်ကိုရီးယား၏ ကာလရှည်ခေါင်းဆောင် ကင်ဂျုံအီလ်၏ ဘ၀ဇာတ်ကြောင်းမှာ ၎င်းသေဆုံးမှု ကဲ့သို့ အံ့သြဖွယ်ရာများဖြင့် ပြည့်နှက်နေပြီး အသေးစိတ်အချက်အလက်များမှာ သိရှိရန်ခက်ခဲသည်။ အောက်ပါအချက်အလက်များမှာ ၎င်းဘ၀၏ အဓိကအချက်အလက်အချို့ ဖြစ်သည်။ ၁၉၉၄ ခုနှစ် ဇူလိုင် ၈ ရက်မှ ၂၀၁၁ ခုနှစ် ဒီဇင်ဘာလ ၁၇ ရက်အထိ အာဏာချုပ်ကိုင်ခဲ့သည်။ Dear Leader  ဂုဏ်ပုဒ်ကို ခံယူခဲ့သည်။ ပုဂ္ဂိုလ်ရေးအချက်အလက်များ မွေးနေ့မှာ ၁၉၄၂ ခုနှစ် ဖေဖော်ဝါရီ ၁၆ ဖြစ်သည်။ (အချို့သတင်းရင်းမြစ်များက ၁၉၄၁ ခုနှစ်ဟု ဆိုသည်။) ရုရှားတွင် မွေးခဲ့သည်ဟု ပညာရှင်များနှင့် သမိုင်းပညာရှင်များက ယုံကြည်သည်။ ရှေးဟောင်း ကိုရီးယားပေါ်ပေါက်ခဲ့သော ပေတကူတောင်တွင် မွေးဖွားခဲ့သည်ဟုလည်း ဆိုကြသည်။ ဖခင်မှာ မြောက်ကိုရီးယားသမ္မတဟောင်း ကင်အီဆွန်းနှင့် မိခင်မှာ ကင်ဂျန်ဆွတ်ခ် ဖြစ်သည်။- Ko Young Hee (၂၀၀၄ ခုနှစ်၊ သြဂုတ်တွင်သေဆုံး)နှင့် Kim Ok  (၂၀၀၆ ခုနှစ်၊ ဇူလိုင်မှ စတင်အိမ်ထောင်ကျ) နှင့် အိမ်ထောင်ကျသည်။ Kim Yong Sook နှင့် Sung Hye-Rim  ဆိုသော မယားငယ်များလည်း ရှိသည်။ Ko Young Hee နှင့် Jong-chul  ၊ Jung-un  ဟုခေါ်သော သားများထွန်းကား။ Sung Hye-Rim နှင့် Sul Song ဟုခေါ်သော သမီးတစ်ဦးနှင့် Jong-nam  ဟုခေါ်သော သားတစ်ဦး ထွန်းကားသည်။- ပြုံယမ်းရှိ ကင်အီဆွန်းတက္ကသိုလ်တွင် ၁၉၆၃ ခုနှစ် (သို့မဟုတ်) ၌ နိုင်ငံရေးဘောဂဗေဒ ဘာသာရပ်ဖြင့် ဘွဲ့ရခဲ့သည်။ အရှေ့ဂျာမနီရှိ လေကြောင်းကျောင်း တက်ရောက်ခဲ့သည်။ ၁၉၇၃ ခုနှစ်တွင် အာဏာရ အလုပ်သမားပါတီ ဗဟိုကော်မတီတွင် ပါတီအတွင်းရေးမှူးရာထူးနှင့် ၁၉၉၇ ခုနှစ် အောက်တိုဘာလ ၈ ရက်တွင် အလုပ်သမားပါတီ ခေါင်းဆောင်ရာထူး ရယူခဲ့သည်။- ၁၉၉၁ ခုနှစ်တွင် မြောက်ကိုရီးယား စစ်ဦးချုပ် ဖြစ်လာသည်။ ၁၉၉၄ ခုနှစ်တွင် ကင်အီဆွန်း သေဆုံးပြီးနောက် မြောက်ကိုရီးယားခေါင်းဆောင် ဖြစ်လာသည်။ ၁၉၉၈ ခုနှစ် စက်တင်ဘာလတွင် ကာကွယ်ရေး ကော်မရှင်ဥက္ကဋ္ဌအဖြစ် ပြန်လည် ရွေးချယ်ခံရသည်။ ၂၀၀၀ ပြည့်နှစ် ဇွန်လတွင် တောင်ကိုရီးယားသမ္မတဟောင်း ကင်ဒေးဂျုံနှင့် တွေ့ဆုံခဲ့သည်။ ၂၀၀၀ ပြည့်နှစ် အောက်တိုဘာလတွင် အမေရိကန် နိုင်ငံခြားရေးဝန်ကြီးဟောင်း မယ်ဒလင်းအောဘရိုက်နှင့် တွေ့ဆုံသည်။ ၂၀၀၇ ခုနှစ် အောက်တိုဘာလတွင် တောင်ကိုရီးယားသမ္မတဟောင်း နိုမူဟွန်းနှင့် တွေ့ဆုံသည်။ ၂၀၀၈ ခုနှစ် စက်တင်ဘာလ ၉ ရက်တွင် အမေရိကန်နှင့် တောင်ကိုရီးယားထောက်လှမ်းရေး အချက်အလက်များအရ ကင်ဂျုံအီလ်သည် လေဖြန်းနေကြောင်း သတင်းထွက်ခဲ့သည်။ ၂၀၀၉ ခုနှစ် ဇန်န၀ါရီလတွင် အငယ်ဆုံးသား ကင်ဂျုံအွန်ကို ရာထူးလွှဲပေးမည်ဟု သတင်းထွက်ခဲ့သည်။- ၂၀၀၉ ခုနှစ် ဧပြီလတွင် ကာကွယ်ရေး ကော်မရှင်ဥက္ကဋ္ဌအဖြစ် တတိယအကြိမ် ရွေးချယ်ခံရသည်။ ၂၀၀၉ ခုနှစ် သြဂုတ်လ ၄ ရက်တွင် အမေရိကန်သမ္မတဟောင်း ဘီလ်ကလင်တန်နှင့် ပြုံယမ်း၌ တွေ့ဆုံစဉ် အမေရိကန် သတင်းထောက်နှစ်ဦးကို ပြန်လွှတ်ပေးခဲ့သည်။ ၂၀၁၀ ပြည့်နှစ် စက်တင်ဘာလ ၂၇-၂၉ ရက်တွင် အလုပ်သမားပါတီ အထွေထွေအတွင်းရေးမှူးအဖြစ် ထပ်မံရွေးချယ်ခံရသည်။ ၂၀၁၁ ခုနှစ် သြဂုတ်လ ၂၄ ရက်တွင် ရုရှားသမ္မတ မက်ဗီဒက်နှင့် တွေ့ဆုံခဲ့သည်။ Ref:CNN